小弟一向熱心公益，但凡有任何籌款活動，我都會鼎力支持，為慈善出一分綿力。之不過，我嘅所謂善心其實不值一哂，因為好多人比我更願意付出，更加有班囡囡為慈善捨身獻胸任人摸，佢哋就係日本AV女優喇！
日本AV界每年都有好多盛事，當中兩大盛事都係由Sky PerfecTV舉辦，一個係被稱為日本AV界奧斯卡嘅Sky PerfecTV 成人放送大賞，另一個就係「電視色情救地球24小時！」，呢個活動屬於慈善性質，每年都有一系列不同籌款環節，其口號係「一邊享受色情，一邊為社會貢獻」，目的係將籌得嘅款項用於預防愛滋病工作，由Sky PerfecTV呢間主打色情頻道嘅電視台舉行真係別具意義。至於活動中最矚目、最令人引頸以待嘅環節一定係今年已舉行第12屆嘅「摸奶籌款」喇！顧名思義，呢個環節梗係玩摸奶啦，而是次籌款活動已經喺8月30日及31日進行，並且順利完成。
於30日當日開始摸奶活動之前，一眾AV女優早已到達位於新宿歌舞伎町嘅會場第二東亞會館，佢哋先嚟個沐浴更衣，而整個沐浴過程由電視台直播，觀眾真係有眼福。當日有份參與慈善活動嘅女優，包括有初美沙希、藤嶋唯、佐倉絆、風間萌衣、川上奈奈美等共15位女優之多，佢哋踏上一個小型舞台一字排開，喺鏡頭前換上大會提供嘅比堅尼，有咁多索女一齊換衫，真係咁大個仔都未見過呀！換好衫之後，大會就安排咗個充氣泳池畀班女優沐浴一番，洗乾淨胸前對搵食架生，仲出動大量情趣玩具，實行邊自娛邊沖涼。
過足手癮
沐浴更衣完畢，一眾女優就整裝待發，而大量手持摸奶活動入場券嘅「善長」已經磨拳擦掌，準備過手癮。「善長們」排好隊，而班AV女優就掀起上衣兼挺起胸膛，準備「就範」。未得住！「善長」摸奶前先要過一過金屬探測器，事關今年初AKB48有成員畀狂徒用利刀襲擊嘅事件太令人驚慌，為保障女優嘅安全，大會就有咁嘅安排。探測過身上冇利器，「善長」先隨心捐款，一般都會係1,000日圓，即係約70幾港元，之後用酒精搓手液消毒雙手，就可以向在場嘅眾多女優逐個摸胸，摸完一對又一對，真係聽見都過癮兼手痕，下年一定要親身支持至得呀！結果兩日嘅摸奶活動一共有5,845人支持，籌得接近500萬日圓。摸奶活動大致順利，大家都好守秩序，之不過派發入場券之前就有大班男士知道機不可失，好似喪屍出籠咁將職員團團圍住，伸長隻手意圖搶多張入場券，場面都幾混亂，幸好冇人受傷。
撰文：賢