師傅教落，人生雖然滿是苦痛，但係正所謂一念天堂，一念地獄，思想正面少少，生活自然冇咁辛苦，痛苦亦可以變成痛快。事實上面對難以從性愛中獲得高潮嘅女性，亦一樣可以用得上呢個道理。早前比利時有個教授，邀請251名年齡介乎18歲至67歲嘅女性協助研究。當中176位女性認為自己係「可以高潮的」，75位認為自己係「不可以高潮的」。教授從研究結果當中發現，「可以高潮的」組別嘅女性喺自娛同享受男女交歡嘅過程時，會幻想淫亂畫面，而「不可以高潮的」組別嘅女性往往冇辦法喺性愛當中集中精神。另一方面，年紀較輕嘅女性獲得高潮嘅比率就比年長嘅為高，原因亦正係佢哋能夠喺性愛中有性幻想。教授就話藉研究結果希望令各位難以獲得高潮嘅女性知道性幻想嘅重要性，平日多啲胡思亂想絕對有助高潮。