有人話美國人係派對動物，從某個角度嚟睇一啲都冇錯，事關佢哋唔單止有形形色色嘅節日，就連音樂會亦相當有特「色」，好似呢個有「另類胡士托」之稱嘅Gathering of the Juggalos音樂會，就將音樂、瘋狂、香艷等元素合而為一。Juggalos意指狂野說唱音樂狂迷，而呢個音樂會就充分展現狂野風格，先唔講呢個今年喺美國密歇根州舉辦嘅音樂會，節目元素除咗有音樂、摔角、遊戲、簽名會等，單係班嚟到參與嘅樂迷已經盡顯大會宗旨，以超性感、超火辣嘅造型，甚至以半裸或全裸示人，展現出以放浪不羈彰顯反戰嘅目的。事實上，由於佢哋表現得太過瘋狂、野性同放蕩關係，故此每年舉辦都引嚟唔少附近居民投訴，話佢哋嘅衣着同行為有傷風化。