焦點盛事：麻宮玲成人博覽話潮吹

本地薑有創意

上屆即第1屆「亞洲成人博覽」反應叫好叫座，今年主辦單位再度添食，依舊喺灣仔會展舉行，但細佬隱約記得發言人曾經爆響口話今屆會Open to Public，結果係望門興嘆。其實各位又毋須太介懷，因為即使畀你入到場都係睇到買唔到，所有參展單位只供落訂單及批發，睇完合合咪仲無癮！

咁成人展有啲乜？來來去去都係成人娛樂設施、禮品、玩具、雜誌、保健產品及新興媒體等，雖然同澳門成人博覽比較，香港站娛樂性欠奉，但論內容卻好齊料，當中最估佢唔到係內地性玩具界「起飛」，多間參展商都將震動玩具配合智能手機App使用，相反歐美就保守得多，以大量重口味性虐道具吸睛，反應認真一般。反觀本地薑最有創意，一間叫3Ds嘅電腦動畫展示公司，針對坊間性趣用品流於平面展示問題，設計出3D立體展示空間，產品配合動畫展示，變得更生活化，一睇就明白產品點用，正！另一間叫Naughty Nurse以糖果起家，家陣以男女性器官造型軟糖搶佔情趣市場，負責人Vincent認為亞洲人開始着重情趣，軟性嘢就最啱喇！

阿妹手上嗰支就係第二代「絕對潮吹按摩棒」，有5種頭套選擇，幾舊水港紙有交易！	今年展場比往年更大，參展商更多達200間。	展場有不少人肉布景板，但性感程度就一般！都啱嘅，話晒今次畀商家佬睇，人哋志在做生意，係咁上下啦！

日韓團隊力撐

博覽會重頭戲當然落喺日韓團隊啦，近年人氣急升嘅南韓情趣玩具商ZINI，推出產品攞過唔少國際設計獎項，而最多買手圍觀嘅日本展商如A-One、Wild One及Mode-Design都有到場力撐，產品軟硬口味都有，而Wild One更出動潮吹女優麻宮玲坐鎮，難怪成為全場焦點。呢位AV女優自舊年底以「永不高潮女優」身份參加電視節目矛盾大對決而起朵，及後更成為該按摩棒代言人，而佢嘅AV獨門秘技，立式一字馬更堅到冇朋友，隨時隨地話企就企。以為喺AV裏頭先做到，原來阿妹喺現場一啲都冇腳軟，一見傳媒及有人影相，即時拉腿娛賓，果然夠專業，見到潮吹女優，點可以唔拉佢做訪問，想知阿妹有乜潮吹心得，即睇！

日本參展區最講究包裝，軟重口味產品放置清晰，每一樣都有專人講解使用方法，超窩心！	土炮公司3Ds展區最吸睛，雖然無任何產品售賣，但佢哋嘅立體展示的確惹人遐想！	以性器官造型糖果搶佔成人市場，不失為一條出路喎！

10秒就嚟料！

今次阿妹受日本情趣品牌Wild One之邀，以按摩棒代言人身份嚟到，影相晒一字馬當然唔少得，而佢就話呢啲都係次要，皆因佢真心想天下女人都享受到性高潮之歡，因此唔怕尷尬將按摩棒玩法同大家分享。麻妹仲同細佬講，第一代喺矛盾大對決已證實令佢潮吹，而試用第二代後，最誇嗰次只需10秒就嚟料，好癲呀！既然一場嚟到，點都要佢公開幾招潮吹秘技啦！

國產情趣用品開始着重包裝設計，你睇呢個電動機杯，係咪潮先？	萬眾期待，由日本Vorze推出，有「性家電」之稱嘅A10電動飛機杯首現香港，官方話最快9月香港有售，大約兩千港銀有交易喎！	南韓最出位品牌ZINI嘅DEUX震蛋以中國陰陽相生概念設計，男女合用，攞過Reddot Design Award大獎及iF Product Design Award 2011，由2010年推出至今，一直咁受用家歡迎！

健康女性可做到

記：記者　

麻：麻宮玲

記：被喻為「絕對潮吹按摩棒」嘅第一代Denma，同第二代有乜最大分別？

麻：假如從未用過Denma，我會推介用第二代，因為可裝配多款矽膠頭套，針對刺激不同部位，同時震動力比第一代提升30%，加上操控變得更簡易，只要用手指推動就可隨意變速，使用更得心應手！

記：你曾經話自己係「自虐狂」，專業到可以任何情況下忍住唔高潮，咁點解一支震棒就搞到一地濕晒呢？

麻：的確我錯了，呢支棒實在太強，按摩棒嘅震力同震速完美表現令我無法抵抗。未入AV界前我忍住唔高潮會令我感覺好興奮，但用過按摩棒刺激，令我發現放鬆會更舒服，甚至更出現潮吹！

記：首次潮吹感覺如何，係咪每個女性使用都可以潮吹？

麻：我認為每一名身心健康女性都可以潮吹，關鍵在於閣下性健康狀況，以我為例，每日有自摸習慣亦有正常性生活，非常了解自己敏感部位及高潮出現時間，能夠掌握就容易達到，至於潮吹，的確要做到身心放鬆才可，而按摩棒嘅輔助，可謂如魚得水。

麻宮玲Profile

出生日期：1990年11月1日

三圍：32-22-33

身高：5呎2吋

簡介：麻宮玲上年年初出道，據講擁有十年以上嘅芭蕾舞根底，如今每日都會做拉筋運動，一身筋骨柔軟到不得了，睇佢輕易做到立式一字馬就知道啦！由於麻宮玲學芭蕾舞出身，出道時候，所屬嘅AV集團SOD特別搵佢穿上芭蕾舞衣，將作品名為《Black Swan》，內容以芭蕾舞為題材，同荷里活女星妮妲莉寶文主演嘅電影一樣，夠晒抵死！

撰文：祖