每個人都有七情六欲，而當中亦包括埋情慾，只係呢兩字相當籠統，有好多唔同嘅元素，如果想更深入了解情慾內涵嘅話，可以從多個方面嚟睇。今次就為大家帶嚟各個同「7」有關嘅情慾詞語，正好讓你從唔同角度，透析情慾世界嘅內涵。
雖然話做得男人都應該要無畏無懼，但係有啲嘢真係會驚，好似畀人話自己係快槍手，真係尷尬到爆呀！中文我哋知道快射男個外號叫快槍手，咁英文又點樣稱呼佢哋呢？答案就係「78」，而持久王嘅稱呼則係「33」。點解會用「78」呢個號碼嘅呢？呢個真係無從稽考，只係知道呢個詞語係嚟自妓女界嘅術語，而佢哋除咗用「78」嚟稱呼快槍手外，仲會用Preemie、Quick-trick、Rabbit等詞語。雖然男人都怕被囡囡稱做「78」，但其實大家又唔使咁擔心，事關美國有調查指，男士若然喺床上愈緊張，就愈容易出現快射情況，故此大家只要放鬆心情，自然唔會咁快走火啦！
咪以為「7/24」係代表乜嘢特別嘅日子，查實佢有另一個意思，解作長期愉虐關係。原來「7/24」嘅表面意思係指一星期七日，每日24小時，而佢之所以同愉虐情慾服務扯上關係，原來係嚟自夜場嘅服務推廣廣告。話說當時有提供愉虐服務嘅夜場推出，專為VIP玩家度身訂造嘅愉虐女伴玩法，讓佢哋可以長期指定某個囡囡，從而全天候享受情慾樂趣，於是就以「7/24」作為服務嘅代號，甚至有夜場推出「7/24/365」嚟突出時間更長又更貼身嘅私人愉虐服務，久而久之「7/24」就成為咗一種長期同穩定嘅愉虐男女關係嘅代名詞，而使用例句就係：「我同阿May係『7/24』，性生活過得既特別又滿足。」
今時今日仲玩緊「True or Dare」（真心話大冒險）嘅話就真係Out到爆喇！事關美國嘅年輕男女早就唔玩呢種遊戲，取而代之就係呢個名為「7 Minutes in Heaven」嘅男女關係大挑戰。遊戲嘅玩法相當簡單，只需要幾粒骰仔就夠，而數量則視乎人數而定。每位玩家會有個編號，然後輪流擲骰，擲骰者喺擲骰前先講出被擲中嘅人要做啲乜嘢，先至可以投擲，而被擲中嘅人就要跟住要求，並喺7分鐘限時內做到。咪睇個規則好似一啲鹹味都冇，查實玩親呢個遊戲嘅人個個都鹹到出汁，而發出嘅指令更係超鹹濕，舌戰脷疊脷只係小事，有啲更要求即席吹奏，甚至有更親密嘅接觸，因此成為男女「交往」嘅大熱遊戲。
七海奈奈係邊個？有冇搞錯！身為AV迷冇理由冇聽過佢個大名，事關呢位喺1989年3月7日出生嘅女優，喺未投身AV界前已經係個相當有名嘅水着女優，甚至擔任過日本著名學府河合塾嘅廣告代言人。喺2007年時，奈奈以藝能人身份轉投AV界，甫出道就以出眾嘅外貌同身材而紅遍AV及網絡界。喺2009年9月佢代表所屬公司Alice Japan，喺日本世界博覽會宣傳並表演書法，同年11月更代表公司參加Max-A、Kuki同h.m.p嘅四大AV片商大賽。及至2011年9月底，奈奈宣布正式引退。退出AV界後，佢不但成為網絡作家並活躍於藝能圈，喺2013年4月憑住情色電影《女之蟬》及《極妻之戀》，喺第二屆愛與愛神電影節中獲得最佳女演員大獎，又喺今年7月入選日本人氣電玩《人中之龍》候選女角名單。
傳說人類有七種罪，分別係貪婪、暴食、憤怒、懶惰、傲慢、自負同色慾，而有唔少電影作品就以呢個題材進行創作，就連四仔亦有咁嘅作品之餘，仲喺2000年嘅AVN頒獎禮中獲得年度最佳電影，佢就係由著名美國四仔製作公司Vivid Entertainment出品嘅《Seven Deadly Sins》。呢套四仔當年搵嚟唔少炙手可熱嘅脫星參演，當中抱括Julia Ann、Janine Lindemulder、Candy Hill、Azlea Antistia等等，陣容相當鼎盛！片長個半鐘嘅作品，共分為7個唔同故事單元，主要講述神秘女性Azlea專門尋找犯咗七種罪嘅男士，然後勾引佢到暗處交歡，跟住就搶咗佢嘅靈魂，令佢陷入無盡嘅痛苦之中。
喺西方文化中，「7」係個幸運嘅數字，因此唔少人對呢個冧巴情有獨鍾，甚至有人專登改自己個藝名做「Seven」，而佢就係著名四仔脫星Adrianna Nicole。1977年3月25日出生嘅佢，早喺2004年出道，由於佢主打演出愉虐綑綁題材，因而成為四仔界嘅愉虐天后。從佢出道至今，共演出超過400套四仔，數量相當驚人。不過講到佢嘅成名作，則要數喺2007年AVN頒獎禮中，憑住愉虐作品《Fashionistas Safado: The Challenge》獲得最佳群戰大獎，而佢又喺2011年以四仔作品《Belladonna: Fetish Fanatic #8》，喺AVN頒獎禮中獲得最出位性愛場面大獎。另外，佢更喺每年各個四仔頒獎禮中獲得多個提名，實力絕對有目共睹。
撰文：魂