情色讀物:玉女兩面「睇」

去菜館點菜,好多時都點一雞兩味,一鴨兩食,一條石斑亦可以變成炆斑頭腩同埋炒斑球,而睇日本美女寫真集一樣可以有兩種滋味,就係真野惠里菜最新嘅寫真集《ZERO》。23歲惠里菜青春可人,胴體鮮嫩誘人,出道以來一直都以歌手同寫真偶像兩方面發展,上年更威到擔任《機動警察》電影版嘅女主角。

由於工作太忙,相隔接近一年之後,惠里菜至得閒推出新一本寫真集,而今次呢本《ZERO》就主打一書兩味。一個以鄉下妹身份喺郊外地區遊覽湖光山色,半裸浸溫泉,再嚟個浴衣半脫;另一個則以時尚都市女性打扮演出,以繁華夜景襯托一身性感晚裝,再返到香閨於床上倒奶又露腿。惠里菜兩種滋味都一樣誘人,感受相當豐富。

售價:約HK$245

撰文:賢