擁有「天使面孔，魔鬼身材」嘅美女，喺內地模特兒界真係一街都係，但要成功上位，殺入時尚界同影視界，就唔係有太多成功嘅例子，但今日要介紹嚟自哈爾濱嘅靚女田熙玥，絕對係近年「天使奶神」中最成功嘅一個！
9月前仲係19歲嘅田熙玥，畢業於北京現代音樂學院，所以佢唱歌技巧都有番咁上下，除咗唱歌之外，佢亦十分喜歡演戲，出道短短一兩年間，就參與過多套影視作品嘅演出，雖然都只係小角色，但每一部戲熙玥都話自己好畀心機去演，期間得到劇組同事同埋演員前輩嘅支持同鼓勵，令佢學到好多嘢，對佢將來喺演藝圈嘅發展，有一定嘅幫助。但最為網友認識嘅，就係佢參與模特兒嘅工作，熙玥係近年最火紅嘅寫真模特兒，原因好簡單，佢擁有天使般嘅面孔，加埋35吋E級巨乳，佢嘅寫真唔火爆都幾難，所以被網友封為年度「天使奶神」，令佢人氣喺網絡界急升。
田熙玥最近幫某大寫真網拍咗一輯火辣寫真，每一張照片都性感到爆，唔少網友都一睇再睇，但大家欣賞佢完美身材嘅同時，你會發現熙玥用咗個新名字，叫做田芯娜，唔知係唔係改咗新嘅藝名，定係臨時名稱，但無論點都好，網友都唔會忘記佢嘅火辣身材。但大家千祈咪誤會熙玥係以脫成名，佢最早出道時係拍時尚硬照，係名副其實時裝模特兒，照片仲刊登過喺內地不少時尚雜誌內，所以真係咪睇小熙玥，出道短短日子就染指咁多界別，而且每個界別都做得十分出眾，要數圈中最出色嘅「天使奶神」，非田熙玥莫屬。
簡介：田熙玥嘅官方微博，每日佢都會上載好多照片同大家分享，除咗高抄自拍照外，仲有好多同其他美女嘅合照，真係好睇到唔捨得放手呀！
網址：http://weibo.com/u/1883059391
所在地：哈爾濱
三圍：35E-25-35
身高：168cm
撰文：龍四海