美國有班追求超高空性愛激情嘅人，組成一個名為Mile High Club嘅組織，而佢哋一直以嚟嘅目標係喺飛機上曳曳，只係最近佢哋卻睇中咗拉斯維加斯喺3月底開幕嘅現時最高摩天輪The High Roller。據佢哋解釋，呢個高達550呎嘅摩天輪，唔單止夠晒高，而轉動一圈嘅時間更長達30至40分鐘，加上夜間票價只不過係US$36.95（約HK$287），成本比搭飛機平得多，配合埋可容納40人嘅吊倉，真係點玩都得！佢哋更認為最好就係夜晚去，皆因冇咁易畀人發現之餘，仲可以飽覽賭城迷人夜景。不過，佢哋表示要留意就係盡可能選擇兩個人同倉，並且要小心倉內嘅座位好細好易會跌親。縱然佢哋講到眉飛色舞，只係大家要留意，摩天輪係公眾地方，喺度曳曳隨時會惹官非上身，千祈咪亂嚟呀！