近排唔少潮女都鍾意自拍火辣相並上載到互聯網，好似對Twitter迷兼人氣脫星Madison Ivy嚟講，上載火辣靚相已經係佢每日嘅「工作」，最近佢更自爆係個日本動漫迷添！究竟呢位脫星最鍾意邊套日本動漫呢？答案就係著名動漫作品《龍珠》！據佢講，佢經常翻煲呢套人氣大作，而講到佢最鍾意嘅角色更係估佢唔到，就係笛子魔童！佢除咗勁冧笛子魔童外，另一位佢心儀嘅角色就係傲慢到爆燈嘅比達。其實Madison除咗鍾意睇動漫外，佢仲好鍾意玩玩具槍，不但經常撩老友去打野戰，咪心邪喎，所謂打野戰即係War Game，愛玩玩具槍嘅佢甚至喺Twitter度撩粉絲同佢打番場，對報稱今年25歲嘅佢嚟講，認真係童心未泯呀！