渡海濠情:要嫁富豪 唔使夜蒲

最近英國有個32歲嘅靚女喺電視節目上現身說法,話自己係個拜金主義者,渴望嫁個有錢人,仲話唔明白世人對有咁樣諗法嘅人存有偏見,反問喜歡有錢人唔通唔得咩?而嚟自利澳水療嘅琪琪就話:「我絕對支持佢嘅講法!」

驚喜不斷

琪琪話:「我覺得有錢人或者事業有成嘅男人,身上會透出一種攝人嘅魅力,我識過唔少有錢人,佢哋真係魅力沒法擋,你自自然然就會聽晒佢話,我曾發過誓唔做小三,但係認識咗佢哋之後,畀佢哋氹得兩氹,我竟甘心做佢哋嘅小三,而且呢種男人十分浪漫,氹死人唔使本,周不時令你驚喜不斷,如果唔係喺性方面,唔可以日日都滿足到我嘅話,我都唔會同佢哋分手,但同佢哋喺埋一齊嘅時候,真係令你感受到被寵愛嘅滋味,好少人會抗拒得到。」

學吓外語

你結識咁多有錢人,可唔可以過兩招嚟畀大家學吓嘢!琪琪話:「佢哋唔會去啲人多熱鬧嘅地方,所以你經常夜蒲肯定冇用,反而去啲展覽館或者郊外逛吓,撞口撞面嘅都係有錢人,特別係有遊艇停泊嘅地方,你去睇吓書或者放吓狗,包你實遇到,當然做小三就咪制啦!要做就做正印,但做正印就要有啲專長或者學識,唔係樣靚身材好就掂,不妨學吓外語或者學吓種花攝影之類,說話內容要有啲深度,唔好超靚、勁平掛口邊,咁包你有運行呀!」

琪琪Profile  

年齡:21

三圍:34、23、34

撰文:小德 

攝影:阿生