職業無分貴賤，只要努力工作，向目標前進，總有一日等到好運降臨，甚至飛上枝頭變鳳凰，而事實就擺在大家眼前，好似人氣水着妹高崎聖子咁，之前係一間咖啡店嘅女僕侍應，一直默默耕耘嘅佢遇到機會，就成為新一代嘅水着偶像喇。
所謂人無完人，好多女仔有美貌就冇身材，有身材就冇美貌，而日本水着界班女優就又靚女又好波，難怪迷倒不少亞洲男兒。然而，好多水着妹靚女好波，但下半身就唔多見得人，事關腰圍同坐圍都偏向肥胖，而真正可以展現出優美三圍曲線嘅唔係咁多，高崎聖子就正係其中一個嘞。今年21歲嘅聖子五官標致，氣質綺麗又脫俗，相信絕大部分男人都對阿妹嘅正統派美貌有好感。令我哋產生好感嘅除咗粉面，仲有佢一副火辣婀娜嘅極品胴體。聖子身高5呎4吋，三圍35-24-34，數字上雖然冇突出之處，但吋數唔代表一切，睇真人至實際，因為聖子上圍有E-Cup咁勁，碩大嘅胸部真係令人望而心動，而其腰肢幼而柔軟，加上玉臀飽滿上翹，輕輕往上一趷就顯示出誘人曲線，認真吸引之極。
聖子憑住美貌同身材，喺2012年出道成為水着妹之後，人氣一直以極速上升。未做水着妹之前，聖子喺名古屋一間女僕咖啡店打工做侍應，後來睇電視見到美少女組合SKE48咁紅，班成員個個都咁受歡迎，所以就發起明星夢來。之不過，阿妹參加SKE48第二期選拔卻落選收場，幸好阿妹大嘆當日嘅評審員冇眼光之餘，終於搵到機會出席公開活動，因為佢所住嘅地方舉行「愛知世博會紀念公園夏季祭祀」，大會就從當地搵來多位美少女擔任宣傳大使，聖子就成為其中一人，繼而被星探發掘成為水着妹，後來更因為識得彈結他，獲安排成為歌唱組合CAMOUFLAGE嘅結他手。出道之後，聖子工作繁多，最近仲同倉持由香、鈴木咲兩個水着妹組成寫真偶像電影宣傳部，齊齊換上三點式四圍推銷電影影碟，據講宣傳部嘅微博同博客有成十二萬個追蹤者，可見阿妹佢哋的確吸引力非凡。
高崎聖子經常會更新微博消息，除咗分享生活點滴，仲會將自己拍攝寫真嘅情況透露，所以不時會見到聖子嘅性感照片。
網址：https://twitter.com/shoko_utako
年齡：21歲
身高：5呎4吋
三圍：35E-24-34
撰文：賢