渡海濠情：被人偷拍防不勝防
攝錄器材真係愈出愈神奇，好似最近台灣有間旅館接待咗大批中學生，有女生沖涼時發現牆上掛鈎閃出紅光，於是打開一看，發現竟係攝錄器，最後仲拉咗今次組團嘅領隊，而嚟自大富豪桑拿嘅小可就話：「防不勝防呀！」
搵人算帳
小可話：「呢啲經驗我真係太多，最記得有一次我男朋友話我喺更衣室換衫嘅視頻喺網上熱播，於是我登入去睇吓，個女主角雖然睇唔到個樣，但外貌同身形就同我一樣，於是我努力回憶，究竟段片喺邊度嘅更衣室被人偷拍，由於更衣室間間都差唔多，而且年中我去買咁多衫，入過唔少更衣室，我邊記得喎，於是搵埋成班姊妹幫手，終於記起係喺邊間更衣室，於是走去算帳，點知去到個攝像頭已經畀人拆走，否則實要呢間公司賠償番一千幾百萬呀！」
難以接受
仲有冇啲更深刻嘅遭遇呢？小可話：「被外人偷拍，咪當唔好彩囉！最慘係畀自己男朋友偷拍呀！我記得以前有個男朋友，佢除咗喺房間裏面放咗多部攝錄器材外，佢仲連浴室、廚房同大廳都放埋，我初初識佢時都覺得奇怪，點解佢咁喜歡喺唔同嘅地方親熱，而且動作又多又誇張，原來佢喜歡拍落嚟自己欣賞，半年後佢另結新歡，攞埋啲錄影嚟畀番我，話唔再愛我，我都唔知自己做咗成千分鐘三級片女主角，你話畀自己人偷錄，係咪難以原諒吖！」
小可Profile
年齡：20歲
三圍：34-23-33
撰文：魂
攝影：阿德