日本最近出咗一份有關接吻嘅調查報告，訪問咗500多名男女，問佢哋「最理想接吻時間」。有好多人都估計，應該時間愈長愈理想，好似電影啲接吻畫面咁，時間吻得愈長就愈浪漫，但結果卻出人意表，有4成受訪者話1至5秒最理想，跟着認為5至10秒嘅就有26.2%，第3位係10至30秒，佔16.6%，第4位則係0至1秒，竟然都有8.1%，反而30秒至1分鐘嘅就只得3.8%支持，係咪估佢唔到呢？當中大部分受訪者話自己經驗唔夠，無謂咀咁長時間，而且蜻蜓點水式輕吻，令人更深刻，感覺會更甜密。內地網友就對該調查極力反對，認為接吻冇經驗就應該要加長時間練習，仲話冇1分鐘或以上時間都唔算接吻喎！咁又係，網上拍到嘅激吻視頻，下下都幾分鐘以上，若然咀得1至5秒，連手機都攞唔切出嚟拍攝啦！