渡海濠情：自信爆錶壓力全消
美國有間大學進行一項調查，當中訪問咗一萬五千人，發覺無論男女，如果自我意識良好，覺得自己超型仔或超靚女嘅話，身體亦會健康啲，壓力感覺亦會減到最低，嚟自凱旋桑拿嘅娜娜就話：「難怪我咁多年嚟都唔使睇醫生啦！」
不藥而愈
娜娜話：「真係o架！我細個嘅時候因為好醜樣，人人都叫我做醜小鴨，身體更係非常之差，成日都病，每個星期都要睇醫生，當時我認識嘅除咗家人之外就係醫生，後嚟到咗十三、四歲發育期，身體同個樣竟有一百八十度轉變，到十五、六歲時，個樣簡直可以用脫胎換骨嚟形容，由醜小鴨變成靚女，身邊開始多咗好多男男女女嘅朋友，生活不知幾咁多姿多采，身體更係不藥而愈，連續四年多，我一次醫生都冇睇過，更冇話失眠同冇胃口嘅問題出現。」
應接不暇
發覺自己變靚咗仲有乜嘢好處呢？娜娜話：「最大分別係感情生活，以前我走埋啲男同學身邊，佢哋個個都會走開，所以我嘅初戀要到16歲至發生，至於初夜時間就唔話畀你聽，但有句話好啱，就係瘦田冇人耕，耕開有人爭，我呢塊瘦田一係無人問津，但一有人開墾後就大批男仔蜂擁而至，有時真係應接不暇，感情生活變得多采多姿，人就活得愈開心，愈開心就愈健康，愈健康就愈靚女，所以一定要對自己有信心，咁你就會變得愈靚愈健康！」
娜娜Profile
年齡：20歲
三圍：34-23-34
撰文：小德
攝影：阿程