喺日本人氣電玩及動漫作品《ToHeart 2》中，邊個角色最受歡迎？當然係女主角向坂環啦！作為超人氣角色，向坂環每個月都有模型推出，只係不論佢玩得幾火辣，睇得多都有啲悶，因此今次佢就以激凸加愉虐味新造型登場，以邪惡兼養眼外形帶畀大家新鮮感。黑帽、黑皮裙加黑皮靴嘅裝扮，充分展現出一股愉虐味道。不過講到模型嘅亮點，梗係向坂環前所未有嘅巨乳，配合夾胸動作，令巨型車頭燈加倍吸睛，再玩埋大方露底，叫人流晒口水！
全高：約190mm
售價：￥13,824（約HK$1,064）
發售日期：暫定9月
漫畫係日本嘅天下？未必！好似由南韓作家林達永同漫畫家金光鉉合作嘅漫畫《零度戰姬》，不但大受歡迎，更推出埋動畫，絕對係人氣作品！呢個身材玲瓏浮凸嘅索女就係嚟自呢套作品，有着「不死身」外號嘅Roxanne Elipton。擁有激凸上圍嘅Roxanne，化身成模型實在令人期待，加上佢今次更大玩換裝誘惑，更係將觀賞性同可玩性合二為一。而喺女護服、內衣同西部槍手呢3種服裝中，尤以槍手造型最為性感，事關佢一對巨乳上，僅以兩粒星形徽章遮住兩點，加上性感丁字褲，確實前後都咁養眼！
全高：約340mm
售價：￥18,144（約HK$1,397）
發售日期：暫定8月
撰文：魂