今年日本演藝界吹起一陣SM風，好似當紅艷星壇蜜早前就有一部扮演SM女王嘅電影作品《甜美的鞭》上映，而水着妹長瀨麻美拍寫真嘅時候亦變身為SM女王，快將上映嘅電影《稍微可愛的金屬搖滾樂》亦將SM同校園主題融為一體，女主角吉住春菜更加推出與電影同名嘅寫真集，將佢喺戲中嘅火辣、妖艷以及SM感覺火速帶畀大家。
今年30歲嘅春菜出道初期以清純綺麗嘅美貌以及雪白婀娜嘅身材而成名，到近年年紀漸大，人氣有下滑迹象，於是就漸漸開放尺度，拍寫真同電影都特別大膽，喺剛才提及嘅電影新作仲扮演SM女王，喺同名寫真集當中，春菜除咗會繼續玩SM，仲會嚟個正面全裸！不過阿妹就用手遮住三點，因為佢話未來睇清楚至作出最後解放，然而咁樣亦已經相當誘人，令人睇到鼻血直流喇。
售價：約HK$246
撰文：賢