近年來自韓國嘅風潮不斷吹襲本港，眾多韓國型男以及組合到訪，搞到上至師奶下至少女都為之瘋狂，不過作為男人嘅我哋亦感受到韓流衝擊，因為包括美熟女鄭多燕等美女早前亦相繼訪港。而提起鄭多燕，不期然諗起一位同佢咁上下年紀，身材亦一樣咁索嘅韓國艷星，佢就係金慧秀喇！
韓國美容科技先進。記住！我係講美容，唔係整容，以免有人誤會我詆毀韓國女仔成日整容。好多年過三十嘅女星都依然容光煥發，明艷照人，風采不減當年，好似李英愛、金喜善等。今日為大家介紹年過四十嘅金慧秀更加風采迷人，魅力驚人。金慧秀於1970年出生，父親係一名教師，自幼佢就被嚴加督促學業，令佢長大後果真人如其名，外表秀麗典雅之餘仲相當有智慧，如果唔係又點會擁有東國大學戲劇電影學學士，及成均館大學言論情報大學院言論宣傳學碩士呢類高級學歷呢。讀大學嘅時候，她已經相當靚女，喺二年級嘅時候，就有學長背住慧秀幫佢報名參加明星選拔賽，憑住美麗嘅外表及自信十足嘅表現，慧秀脫穎而出，從此踏上燦爛星途，唔單只為觀眾獻技，更展露無限春光。
金慧秀出道25年，經過多年努力，現已成為韓國人民心目中嘅阿姐級藝人，地位非同凡響。迄今她已拍超過30部電視劇。此外，亦憑住伶利口才成為知名司儀同主持。當然，慧秀梗唔只咁少搵食空間啦，拍電影一樣咁掂呀。喺1987年就憑住《黑寶》嘅演出而成功奪得第23届百想藝術大賞電影部女子新人演技獎同KBS演技大賞新人演技獎，此後更喺電影界獲獎無數，足以證明慧秀嘅演技有幾勁！而令各位男士為之着迷嘅，仲有慧秀成熟而妖艷嘅面孔，以及一副魔鬼身材，其堅挺豪乳更幫佢獲得「擁有最美麗胸部女藝人」嘅稱譽。要充分欣賞到慧秀嘅好身材好簡單，因為佢成日出席各類公開場合都着透視裝同低胸裝，酥胸半露認真係殺死人。另外，大家亦可以睇慧秀嘅激情力作《無顏美女》，佢喺呢部電影當中除咗作全裸演出，仲有幾幕激烈床戲，同男主角翻雲覆雨，扭作一團，正呀！
撰文：賢