電視電影界成日都賣口乖話觀眾嘅眼睛係雪亮嘅，而咁多觀眾群當中，我敢講日本AV迷嘅眼睛係最為雪亮，因為日本AV女優多不勝數，但係佢哋卻可以快速又準確咁認出邊一個女優改名扮新人，最近又有個偽新人畀AV迷踢爆，佢就係Ryoka。AV廠「亂丸」最近發表新作情報，當中有一部作品叫《搶男人騎車的人 某地方有名的淫亂舊車女子》，從封面可以見到新人女優Ryoka有型有款咁坐喺架電單車上面，旁邊嘅字句就表示阿妹係來自日本某地方嘅飛車黨。不過，AV迷一眼就認得出佢係上年出道成為AV廠「D☆Collection」專屬女優嘅淺倉領花，自D廠執笠之後就成為一介遺民，家陣佢就改名做偽新人重新出發。阿妹個樣咁普通都認得出，真係不得不佩服日本AV迷到五體投地呀！