AV碟大家可以話睇就睇，但係要搵到一個同AV女優親身接觸嘅機會真係幾難，若然要一次過同一大班AV女優食餐飯傾吓偈，更加係難上加難。不過難度高唔代表冇機會，將於7月25日舉行嘅「全明星AV女優Nico生祭！」就係一個好機會喇。呢個活動於東京新宿歌舞伎町嘅宴會場所LOFT/PLUS ONE進行，出席嘅AV女優包括彩美旬果、一条綺美香、白木優子、篠田由、湊莉久以及AV女優組合「綿花糖3D」等，個個都係人氣女優。當日班女優除咗會同粉絲一邊用餐一邊傾偈，仲會表演歌舞以及行性感天橋騷添！門票售3,000日圓，約為二百幾港元，有興趣不妨Click上網睇睇參加詳情。