早前四仔界男神James Deen上咗網站「Reddit」主持《任你問》環節，今次James哥有備而來，當大家問佢如何成為四仔男優時，佢就不慍不火咁叫每位有志加入四仔大家庭嘅男士，先上網睇睇由APAC製作嘅《Porn 101》，內容由過去及現役多位知名男女脫星談及拍四仔嘅喜與怒，之後先再決定自己係咪適合做四仔男優。當然，男神分分鐘都係錢，又點會咁傻豬免費答大家問題呢？講到尾佢都係為咗宣傳個人購物網站，James話為答謝大家熱情提問，由即日起所有「Reddit」網站嘅巴絲打到「JamesDeenStore.com」選購任何貨品，可獲減15美元（約117港元），優惠期三個月。嘩，學到嘢兼有着數，James哥你係得嘅！