日本AV界無奇不有，除咗有各類型女優，大家仲可以見到奇形怪狀嘅男優，當中有肥有瘦，有高有矮，一眾猥褻醜男更加令人嘖嘖稱奇。近期仲加入一班老人男優兵團，AV廠SOD更加公開招募70歲以上嘅耆英拍AV添！
若然大家對日本AV界嘅發展有留意的話，不難發覺近年業界出現唔少中年及熟年夫婦嘅AV系列，片中演出嘅男女優統統都已經上晒年紀。據消息指，箇中原因正係因為日本人口老化，唔少年紀大嘅人士都有睇AV嘅需要。小弟早前訪問過日本收費成人電視台Paradise TV嘅營業部負責人鈴木健一郎，佢話老人家購買成人頻道嘅數目有上升趨勢。鈴木先生更表示，日本老人家睇AV嘅口味比較特別，偏向欣賞成熟，甚至係老年男優演出多於睇精壯男優。咁又係嘅，班老人家已不復當年勇，睇班後生仔喺床上威風八面，咪盞自己更加自慚形穢。
提到AV界嘅耆英男優，我偶像德田重男伯伯絕對令各界長者崇拜，因為佢年過70歲至入行成為AV男優，而佢出道以來拍過近300部AV，今年8月佢就踏入80歲，但係佢依然有心有力，繼續有作品推出，真係老而彌堅！另外，現年67歲嘅男優山田裕二亦一樣咁活躍，更不時同德田伯伯以及其他耆英男優組成老人男優軍團，以玩弄班後生女優為樂，AV廠S1推出嘅《老人介護士》系列就成日見到佢哋嘅蹤影，真係性福無邊，不禁令人欽佩佢哋嘅精力。不過，有業界人士指有實力又有名氣嘅耆英男優為數不多於10個，所以同正常男優一樣面對工作超負荷，以及人數不足嘅問題。亦因為咁，SOD近期為咗發掘更多耆英男優，於是舉行公開招募，仲表示一定要70歲以上嘅耆英至可以參加。雖然我對老人男優演出嘅作品冇乜興趣，但都希望SOD今次可以成功，費事我偶像德田伯伯咁辛苦嘛！
撰文：賢