日前為大家介紹過支撐起日本七十年代粉紅電影嘅情色天后池玲子，其實當時仲有另一位同池玲子拍住上，成為粉紅電影嘅兩大巨頭，呢位就係冷艷又美艷，身材同美貌都不下於池玲子嘅杉本美樹喇！
最近睇世盃賽事令小弟明白好多道理，其中一個就係「不怕神一樣的對手，最怕豬一樣的隊友」，葡萄牙大國腳C朗就算幾好波都好，一班隊友唔畀心機踢波，一樣無力回天，要單天保至尊真係談何容易。見到C朗咁淒涼，小弟就想起當年白必圖同佢嘅好拍檔羅馬里奧喺球賽上表現出高度默契，絲絲入扣嘅互傳技巧真係令對手班後衞聞風喪膽。日本情色片眾多脫星當中，亦有好拍擋，拍片經常齊齊上，其合作更加產生出一加一大於二嘅化學作用，為觀眾貢獻無限春光，呢對拍擋就係池玲子以及今日為大家介紹嘅杉本美樹喇。1953年出生嘅杉本美樹，氣質脫俗出塵，冷艷感十足，呢種令男人難以接近嘅感覺卻又散發出惹人探索嘅神秘吸引力。美樹面上嘅冷，同身材相映成趣，因為她生得纖巧健美，上圍嘅堅挺美巨乳極有睇頭，辣度十足。
杉本美樹身材極佳，曾經成為內衣模特兒，而佢加入電影圈嘅契機就係同池玲子有關。當時池玲子係裸體模特兒，畀人發掘出嚟拍脫戲之後引發極大回響，於是電影界人士就食髓知味，又搵出同樣都係模特兒嘅杉本美樹拍脫戲。美樹同池玲子首次合作嘅作品就係《溫泉蚯蚓藝者》，美樹嘅美艷程度不輸對方，但由於池玲子比較出名，所以美樹就被安排做第二女主角。於戲中，美樹嘅表現雖然被評為木訥，但係其身材卻備受追捧，加上池玲子有一段時間突然轉型做歌手，令美樹有更大發展空間，及後更成為粉紅電影天后。美樹嘅代表作之一《德川性愛禁令色情大名》、《0課的女人 紅色的手銬》就係喺呢段日子所拍喇。到池玲子再次回歸，二人就無再分主次，齊齊合作，拍下唔少知名粉紅電影系列如《女番長》、《恐怖女子高校》等等，二人除咗繼續大露肉體，仲有好多場面激玩磨豆腐，簡直淫到出汁！
撰文：賢