渡海濠情：美股迷人 凡人難忍

搞到塞車

話說奧地利有條平日唔係咁繁忙嘅街道，有日有個私家車司機抬頭突然發現，樓上窗台竟然有個女子裸曬下半身，渾圓美股更係超吸引，搞到附近嘅司機為咗睇嘢都唔願開車，結果令街道勁擠塞，惟有出動警察嚟疏導，而當警察上到門時發覺嗰個裸曬女子已經離開咗屋企。有多口仔就話，從呢件事嚟睇就知道美股嘅魅力有幾大！阿Ling聞言就表示一啲都唔出奇，佢解釋：「因為美股嘅魅力其實比美乳更加吸引！好多人以為美乳往往比美股更加吸引，其實呢種睇法係錯嘅。事關有調查顯示，美乳對三十歲以下嘅男士最為吸引，而到咗三十歲以上嘅男士，則會愈嚟愈多人覺得美股更加具有吸引力，亦因為咁嘅緣故，呢位晒股女士先至咁矚目。」

玲瓏浮凸

講到尾最重要都係要有玲瓏浮凸嘅身材，先至可以最為有效地吸引到男性嘅目光。阿Ling表示：「如果得對巨乳，或者只係擁有美股嘅女士，只可以吸引到男士短暫嘅目光，如果真係想引起男士嘅興趣，就一定要擁有玲瓏浮凸嘅身材。試諗吓，如果臀部相當渾圓，上半身就好似平板電腦咁，你話吸唔吸引先？」阿Ling又話夏日係盡情展現驕人身段嘅好季節，佢笑道：「須知道喺熱浪逼人嘅日子中，自然會挑選涼快嘅衣服，玲瓏浮凸嘅身材更容易得到展現，而我喺呢段日子中，最愛就係低胸嘅打扮，加上一條貼身熱褲或者半透視嘅長裙就最啱。既可以展現出我美好嘅身材，又可以變得涼快呀！」

阿Ling Profile　　

身高：5呎2吋

三圍：35、24、35

撰文：魂

攝影：德