巴打些牙:露乳突擊失敗

世盃現正進行,相信大家都會好忙,忙住快手快腳做完手頭上嘅工作,早啲返屋企食飯就寢,然後凌晨12點起身睇波。其實除咗球迷,一眾傳媒亦十分忙碌,因為要報道球場內外事情,以及追訪雲集巴西嘅各國球星。為咗令採訪可以順利完成,各地傳媒人員真係要花好多心機同時間,甚至不擇手段,好似巴西有一位索爆女主持,就刻意露出一對驕人巨乳嚟吸引大眾注目。呢位女主持名叫Andressa Urach,係巴西知名嘅巨乳模特兒以及電視節目主持,早前佢為咗訪問葡萄牙超級球星C朗,於是剝光豬玩人體彩繪,畫到好似葡萄牙國旗咁,兩點僅用乳貼遮住,然後去到機場等候C朗。點知,葡國國家隊嘅工作人員見到Andressa咁款,唔知佢有乜企圖,於是斷然拒絕安排C朗接受訪問,搞到伊人失望而回,浪費大好春光!

撰文:賢