坊間傳聞，飲木瓜奶可收豐胸之效，但係效果到底有幾多就仲未有人證實。而除咗飲木瓜奶之外，仲有冇第二個方法呢？飲豆奶啦！日本人氣水着妹谷澤惠里香就自言日日飲豆奶令其巨乳升Cup，仲成功將前途谷起埋添！
如果閣下對日本水着妹嘅歷史有咁上下認識，應該會覺得現世代班水着妹大有進步，我嘅意思唔係指身材，而係指整體質素。往日，要從日本水着妹當中搵個胸前偉大嘅唔難，好似根本春美、松金洋子、夏目理緒，三個都至少有H-Cup上圍，一露酥胸必然令男士們怦然心跳兼驚呼狂叫，因為佢哋個胸實在太大。之不過，僅此而已，因為當時胸大嘅水着妹一般都唔多靚女。然而，今時今日就唔同講法，好多水着妹都有樣有身材，近年小弟至愛嘅今野杏南就係好例子，而今日為大家介紹嘅谷澤惠里香亦一樣咁吸引。現年23歲嘅惠里香生得可愛俏麗，稚氣未消嘅童顏加上猶如陽光般燦爛嘅笑容，實在令人如沐春風、精神一振，而佢嘅身材更加令男人熱血沸騰！阿妹嘅肌膚好似豆腐咁白滑，胸前嘅一對35吋H-Cup純天然美巨乳又大又挺，質感飽滿又富彈性，兩峰之間極之狹窄，絕對唔會係大得肉酸嘅八字波，真係人間極品呀！
2006年出道拍寫真嘅惠里香憑住活潑個性及驕人身材而上位，一出道就成為美少女團體「美女甜甜圈」嘅成員，經常同其他成員一齊上綜藝節目，後來仲獲邀與知名搞笑男藝人志村健演出電視節目《志村健的笨蛋老爺》作長期演出，賣弄搞笑才能及豐滿身材。呢段日子阿妹忙於做節目同登台，可能就係咁令佢冇時間做運動，所以體重一度上升，腰圍達29吋！幸好，當惠里香參加完綜藝節目《The 最佳住宅123》嘅減肥大挑戰之後，體重終於回落，腰圍變回24吋。同一時間，阿妹仲表示為咗減少食量，日日飲豆奶填肚，上圍更由本身嘅G-Cup升到H-Cup，皮膚仲白滑咗好多添。身材變得比以前更加誘人嘅惠里香人氣持續上升，前年參加電視企劃活動《未來的熊田★磯山選拔》仲贏得冠軍，獲水着天后熊田曜子以及磯山沙也加欽點為接班人。近年發展如意嘅惠里香除咗繼續拍寫真騷身材，仲憑住一副好口才向司儀界進軍，前途無可限量呀！
谷澤惠里香不時會將工作嘅趣事消息，於個人博客發表，想知道阿妹最近工作時又有甚麼新遭遇，可以Click上去睇睇。
網址：http://ameblo.jp/yazawaerika-blog/
年齡：23歲
身高：5呎
三圍：35H-24-35
撰文：賢