日本嘅女僕咖啡室世界知名，入面班侍應個個都青春嫩口又活潑可愛，加埋一身萌味十足嘅女僕打扮夠晒吸引，最重要嘅係佢哋招呼周到、有禮貌又好笑容，主人前主人後咁稱呼客人，令男人冧到暈，猶如置身於天堂一樣咁疏肝。之不過，女僕Look睇咗咁多年，新鮮感多少都有啲減退，到底有冇其他更出位嘅打扮呢？答案係有嘅！就係凸顯學生妹感覺又夠性感嘅校園水着喇！最近位於東京千代田區嘅Cosplay咖啡室Meteor Shower，為配合以校園水着為題材嘅青春電影《斯威特游泳池畔》上映，特別安排女侍應換上校園水着侍奉客人，雖然冇三點式咁火辣，但係剪裁相當貼身，玲瓏浮凸身材一覽無遺，客人一樣睇得開心。如果大家去東京旅行，不妨幫襯一下。