英、美、意、法、日、韓嘅影壇相當多美女，其中不少都願意為藝術而犧牲，兼且為觀眾嘅眼福着想，甘願拍下裸體寫真同脫戲。但可能有人會話：拍脫戲會搞到自己形象低落喎！邊個話？經典英國女星積琦蓮貝茜（Jacqueline Bisset）擁有高貴美艷氣質於一身，脫完一樣咁高貴咁脫俗。
書籍、影碟、玩具、電器都會有翻版，而人亦有翻版，好似美貌與身材兼備嘅伊莉莎伯海莉，就生得同其前輩積琦蓮貝茜極為相似，如果問我鍾意邊個，我會毫無疑問答係積琦蓮！無他嘅，因為佢拍脫戲較多，我對佢玲瓏浮凸嘅身材了解較深囉。積琦蓮1944年於英國出生，父親係普通科醫生，阿媽係律師，由於阿媽係法英混血兒嘅關係，所以積琦蓮細細個就畀阿媽捉住學法文，稍為長大後仲入讀英國嘅法語學校，然而咁樣對積琦蓮日後喺英法兩地影圈發展起到莫大作用。漸漸長大嘅積琦蓮，氣質脫俗出塵，身材高挑又豐滿，畀人引薦做模特兒，佢就係靠呢份工作支持自己學習芭蕾舞及美術。
1965年積琦蓮與電影結下不解之緣，初出道之作就係《訣竅》，之後就憑住不俗嘅演技及美貌喺影圈發展，喺1967年嘅鐵金剛電影系列《鐵金剛皇家夜總會》當中演出一角，雖然唔係邦女郎，但其美艷氣質令人留下印象，而後來亦藉電影《The Sweet Ride》嘅演出而獲得金球獎最佳新女演員提名。積琦蓮從影以來拍過超過85部電影，當中唔少有裸露成分，比較知名嘅就有《深深深》以及《Secrets》，後者積琦蓮大露湯碗形巨乳以及粉紅色提子於床上與男主角纏綿，不過回響都唔及前者咁勁。《深》片當中，積琦蓮有一幕玩潛水，身上只穿件T恤，一濕水即時透點，成功吸引觀眾眼球，而雜誌《Newsweek》更話積奇蓮係永遠最美艷嘅電影女星添。
撰文：賢