家陣唔少年過40歲嘅女人都保養得宜，面上容光煥發、皮光肉滑，溝起仔上嚟絕對唔會輸蝕畀班後生女。英國一個調查仲發現年過40嘅女人，比起20來歲嘅女仔更加主動、更加落本去提升床上情趣。話說英國情趣用品商Love Honey早前進行一項調查，發現20歲左右嘅女性逛情趣商店平均只花15分鐘，而40歲以上嘅女性則會花超過1小時揀選心水用品。至於花費方面，前者每次平均花費150英鎊，約1,900港元，而後者則平均花費500英鎊，約6,500港元購買情趣玩具及情趣內衣等。呢個調查結果反映出40歲或以上嘅女人比20來歲嘅女子，為咗增加床上情趣更捨得花錢同時間，而且對性愛有更強烈嘅渴求。