世上有好人做好事，就係咁簡單！可惜，有網友陰謀論認為，脫星兼性學家嘅Annie Sprinkle舉辦免費婦女自搓教學活動嘅真正目的，係自我宣傳喎！先講吓Annie姐嘅背景，今年60歲，早喺70年代活躍於美國脫星界，80年代做埋四仔導演，直至90年代正式退出幕前，專心推廣性教育及排解兩性關係。近年Annie姐積極喺網上發功，拍片灌輸正確性教育，更開辦工作坊，歡迎各界分享交流性愛心得，阿姐尤其針對師奶，教授做性感老婆同時又做好賢妻良母角色。直到今期搞嘅婦女自我搓波提升性慾活動，Annie姐要親身作示範，雖然阿姐對天然36E奶仲喺度，但卻被網友取笑佢對咪咪跌到落肚臍，睇見都無晒性慾喎！睇嚟Annie姐都要諗一諗，下次咪再親身上陣喇！