經典回魅:粉紅影后 茱莉安摩亞

喺影圈,女星拍脫戲往往被視為成名嘅第一步,之但係一脫之後能夠名成利就嘅例子,香港實際上唔多。而喺荷里活就唔同,好多女星拍完脫戲後更勇奪影后寶座,查理絲花朗就係一個好例子,而最近於康城電影節封后嘅茱莉安摩亞(Julianne Moore),同樣敢於戲中裸露及激戰。

熱愛改變

茱莉安摩亞出生於一個軍人家庭,父親係美國軍隊嘅律師,仲係陸軍上校,而母親就係一名精神病學家及社會工作者。由於父親嘅軍人身份,令摩亞出生於北卡羅萊納州之後,經常需要搬到唔同地方,紐約、阿拉斯加、德克薩斯都曾經係摩亞嘅居所。到高中嘅時候,摩亞就成家去到德國居住,當畢業於法蘭克福美國高校之後,終於有機會返回美國波士頓大學讀書,仲取得公演藝術學系學士學位,憑此摩亞成功喺電視台爭取到演出劇集《當世界轉變》嘅機會。因為經常搬屋,令摩亞好難識到朋友,除培養出其獨立性格之外,更表示習慣經歷咁多改變,成為演員後更熱衷改變戲路,演繹不同角色。由於其演技出色,1988年嘅艾美獎傑出新人獎就落到其手上。

乳點誘人

兩年之後,摩亞有機會登上大銀幕,作品就係恐怖片《妖夜傳說》,之後陸陸續續參演過唔少電影,當中有唔少大家耳熟能詳嘅作品,例如《侏羅紀公園2之迷失世界》、《九月之癢》以及縣疑血腥經典之作《沉默的殺機》。小弟其實一向都好少睇血腥電影,但係《沉》片除咗有老牌影星安東尼鶴健士嘅精彩演出,摩亞於尾段身穿一件中門大開晚裝,其蕩漾嘅雙峰更令我睇到神魂顛倒。睇完《沉》片之後,我一直好想一窺全豹,欣賞摩亞嘅全裸演出,發覺機會其實唔少,因為佢嘅演藝生涯當中經常有裸露兼且同男角於床上激戰嘅戲份,好似《非單親關係》、《赤裸驚情》等。至於佢喺《一舉成名》扮演四仔女星,同男主角於鏡頭前打得火熱嘅場面就嚟得最激情最誘人,因為摩亞於交歡當中,表現、動靜、手法同真正嘅四仔女星一模一樣,加上作全裸演出,其粉紅色嘅鮮嫩乳頭更令人食指大動,實在太正喇!

撰文:賢