武士向坂環登場

日本戀愛遊戲《ToHeart2》自推出以嚟一直人氣極高，隨後更推出各種衍生作品，好似喺2011年於手提遊戲平台PSP上推出，並以武士時代為背景嘅《ToHeart2 迷宮旅行者》就係其中之一，而今次為大家帶嚟嘅最新模型，就係呢個作品中嘅女主角武士向坂環。相對《ToHeart2》，向坂環喺《ToHeart2 迷宮旅行者》嘅造型更加性感，佢穿着一件大開中門嘅戰衣，配合一對分量十足嘅巨乳，視覺享受一流。除咗造型火辣外，拔刀嘅動作亦充滿動感及氣勢！