字裏淫間:閒時食T樂不可支

每次聽到食Tea個人都會零舍精神,皆因可以讓緊張嘅工作情緒放鬆一陣,只係唔單止食Tea可以鬆弛神經,閒時睇吓一啲軟性嘅情色資訊,同樣可以令精神為之一振。以下就為大家帶嚟以T字為首嘅情慾英文,讓你喺適當時候放鬆一下。

情色俚語:Ten Pin 沙漏身材

我哋形容玲瓏浮凸身材會用魔鬼身材、沙漏身材等嘅名字,而喺英文中則會用Ten Pin嚟形容。點解會用呢個咁唔關事嘅英文,嚟形容身材呢?原來喺以前體操運動最高得分為10分,英文術語就係用Ten Pin嚟形容女運動員完美嘅表現,後嚟大家就將呢個英文引伸到形容身材玲瓏浮凸嘅女人嘞!新西蘭維多利亞大學曾經做過一個關於女性完美身材嘅調查,搵嚟一班自願男士觀看同一名經過影像處理後產生出嚟唔同身材嘅女性,同時利用紅外線攝影機追蹤佢哋眼球動向。結果發現佢哋最滿意嘅身材係腰臀比約0.7,亦即24吋腰圍除以36吋臀圍嘅沙漏形身材。

Threesome 三人激戰

三人混戰我哋廣東話稱佢哋三人行、一王兩后、兩王一后、起雙飛等,而喺情慾英語中則會稱呢種行為做Threesome。Threesome同廣東話一樣,冇特定嘅性別要求,可以係一男兩女或兩男一女。加拿大嘅Playtex and Environics Research Group喺2012年底,進行過關於三人行呢種性行為嘅網上調查,結果發現喺受訪嘅1,003名18至49歲成年人中,竟然有高達百分之二十二嘅人表示曾經試過三人行,另外仲有百分之二十九嘅人表示對此抱有開放嘅態度。不過專家就話,男女需要留意自己嘅身體,能否應付到呢種咁激烈又刺激嘅行為,以免心臟承受唔嚟。

玩樂辭典:Tatiata Kozhenvnikova 強力秘道

我哋成日形容擁有先天名器嘅女士,話佢哋嘅秘道吸力十足,畀到男士極大嘅快感,只係講到力度同強度十足嘅女士,就唔可以唔提呢位嚟自俄羅斯嘅猛人Tatiata Kozhenvnikova。今年47歲嘅佢喺2009年,創下一個令人震驚嘅健力士世界紀錄,就係可以用秘道提升重達14公斤嘅物體!Tatiata本身係俄羅斯體操運動員,其後從事健身教練工作,而喺一次偶然機會下拜讀Mantak Chia嘅著作《Cultivating Female Sexual Energy》,發現可以透過鍛煉提升女性秘道力量,喺努力訓練下就練出呢個成績。

美國AV系列:Third Degree Films 市場策略

美國四仔產業龐大,因此四仔片商嘅競爭異常激烈,能夠成為市場上嘅巨頭之一,實力自然有番咁上下,而呢間由Joey Wilson喺2002年創立嘅四仔製作公司就係其中之一。以加州為基地嘅Third Degree Films,旗下擁有兩間為四仔迷所熟悉嘅片商,分別係Zero Tolerance Entertainment及Black Ice,並先後喺各大四仔頒獎禮中大放異彩。不過講到最厲害嘅,莫過於佢嘅市場策略,皆因佢喺2006年已經睇準西班牙市場,而推出西班牙語版嘅四仔,呢個舉措令佢搶佔拉丁美洲嘅市場。另外,佢又夥拍Hustler TV向南及北美洲提供相關內容,積極發展海外市場。

Taylor Wane瓣數多多

能夠成為AVN及XRCO四仔名人堂成員嘅脫星,拍得多經典四仔固然重要,而更重要係佢哋除咗喺四仔界有出色貢獻外,喺業界以外同樣有相當成就,好似Taylor Wane就係一個好例子。呢位喺1968年8月27日英國出生嘅脫星,早喺1989年已經投身四仔界,不但拍過279部作品,更經常喺各大四仔頒獎禮中獲獎,而佢更係一位人氣脫模。喺上世紀90年代中,Taylor創立名為Taylor Wane Entertainment嘅四仔製作公司,拍四仔之餘又喺電台開咪,並擔任電台節目《The British Are Cumming》嘅主持。此外,佢又出過名為《Vamptrix》嘅成人漫畫、個人同名情趣玩具系列及同名音樂唱片等,瓣數真係勁多!

日本AV系列:Tina Yuzuki 柚木天娜

唔知柚木天娜係邊位?咁Rio應該聽過啦!阿妹當初以柚木天娜之名出道,憑住日本同葡萄牙混血兒嘅出眾外形及活潑風格,喺2005年出道嘅佢好快已經打響名堂,不但係由日本AV女優所組成嘅女子團體惠比壽麝香葡萄成員,並喺2006年時被評為AV界最佳新人。到咗2007年底,柚木天娜改名Rio,人氣再闖高峰嘅佢獲得個人電視節目《Rioの樂園》主持工作,成功進軍藝能界。到咗2010年時,佢同另外兩位人氣女優吉澤明步同Mihiro參與日本樂團Sklet 8 Bambino單曲《What's Love? Feat.SoulJa》嘅演出。近年佢除咗拍AV外,仲喺日本夜店Red Dragon客串純粹陪酒嘅女郎。

撰文:魂