平面模特兒界成日爭論一件事，就係模特兒係咪唔性感唔得呢？眼前新一代模特兒個個都爭住脫，但係咪個個都紅呢？答案肯定唔係，關鍵係你究竟適唔適合性感，今日介紹呢位嚟自雲南嘅趙紋清，佢絕對性感得起！
今年24歲嘅趙紋清，佢有個花名叫清楚，人如其名，佢做人真係清清楚楚。紋清早喺2008年就出道，起初係拍攝少女時裝，由於樣子清秀，所以工作不斷，慢慢就轉戰婚紗照，佢拍婚紗照嘅經驗不下過百輯，之後又做過車模，亦有做過產品女郎，雖然工作不斷，但只紅喺圈裏頭，圈外人對佢仍然冇乜認識，紋清不期然考慮到係咪要走性感路線，至能一炮而紅呢？但佢想到自己身材只屬一般，上圍只得33吋，同一啲暴乳系嘅囡囡相比，簡直毫不起眼，要走性感路線，究竟係咪真係適合呢，經過一段日子嘅思量，紋清決定試一試，但為咗萬無一失，佢決意搵攝影大師合作！
紋清明白內地有好多人體攝影師，只係拍攝肉體，而唔係拍攝美感，所以佢嘅第一次，一定要畀一個值得信任嘅人，於是搵咗好耐，終於搵到合適嘅人選。呢位攝影師拍攝前跟紋清面談過幾次，一到埋位時，好多要求紋清都一早知道，配合起嚟合作無間，大可把紋清嘅魅力充分發揮，唔使豐乳翹臀，效果都一樣噴血度極高。自此紋清自信心返晒嚟，接拍性感照時，可以話揮灑自如，一啲難度都冇，亦因此令佢人氣急升，網友粉絲嘅數目大增。至於會唔會向演藝界發展，紋清話自己唔係科班出身，都係一步一步嚟好啲，凡事都諗得咁清楚，果然冇改錯名！
簡介：趙紋清開咗好多網站，但好多都玩咗一陣就冇再放相落去，但以下介紹嘅官方博客，紋清就不停貼相，仲不時寫文章抒發情感，值得瀏覽。
網址：http://blog.sina.com.cn/u/1748727972
出生地：雲南
三圍：33-24-33
身高：160cm
撰文：龍四海