一見到鳳姐A，她就呱呱叫，要我們幫她討公道，再說得白一點，就是請我們出手寫「衰」她幾位客人，「呢啲人，真係等個天收，畀三幾百蚊，就當我公仔咁舞，真係幫吓我手呀！」正所謂無圖無真相，而且我們都沒有當事人的資料，根本就無法證實，寫出來也根本無「仇」可報，最多，只可當為鳳姐A給同行的一些警惕吧，「好啦好啦，總之你寫就得啦！」首先，她說這陣子多了一些春藥客，「其實一直都有，不過以前就唔算好多，都唔知搞乜，呢排，密好多囉。」
問她可知道多了這種客的原因？她說有問過一些熟客，「以前又話要醫生紙先買到藥，依家好多藥房好易就買到啦，咁有人又慌死蝕底，上嚟前食咗，做死我囉。」鳳姐A說，雖然她們也會計時間，人客超時一樣可以收工或者Mark鐘再起，不過過程還是非常痛苦的，「吓吓硬食，真係會痛，一日遇到一個咁嘅客都死啦，想做死人咩！」另外，偷錢、打死狗再索價的客人同樣把她激到死，「我們做這行就不是人嗎？」她悻悻然說。
撰文：黃韋龍