日本大阪出現一輛「魔鏡的士」，據報道已經有多達50名女乘客中招！呢位的士司機嘅作案手法，就係喺車上安裝偷拍鏡頭，目的並唔係偷拍女乘客嘅底裙，而係偷拍佢哋忍尿時嘅尷尬樣，真係好變態！呢位司機現年41歲，只要係單身女乘客上車，佢就會送贈一啲甜點或小食，查實食物中預早混入利尿藥，當女乘客不虞有詐食落肚後，冇幾耐內就會出現尿急情況，女乘客向司機要求落車到公廁解決時，司機就叫對方忍耐一陣，又話踩油盡快送對方返屋企，就算衝紅燈都冇問題，女乘客無奈答應。呢個時候司機就會兜路，又或者專登駛到交通擠塞嘅地方，令女乘客急到花容失色，而司機就利用偷拍鏡頭將整個過程拍低。正所謂上得山多終遇虎，呢位「魔鏡」司機最終被繩之於法。有網友話呢條橋有得諗，相信日本AV廠好快就會以呢類題材拍成AV喎！