日本藝能界家陣有好多由年輕美少女組成嘅組合，好似AKB48、SKN48等，佢哋成班妹妹仔又唱又跳，真係幾賞心悅目。之不過，並唔係個個女子組合嘅成員都跳得，原因唔係懶亦唔係雙腳有問題，而係因為負擔太重，好似清水愛里咁，個人就細細粒，但係上圍就有H-Cup，所以咪唱得唔跳得囉！
日本水着界同AV界嘅女優，好多都天生麗質兼且天賦異稟，個樣已經生得鬼火咁靚，而身材仲要腰幼胸大，令人嘖嘖稱奇，更感到造物者手藝之神奇。不過，乜奇都好，我哋最緊要讚揚日本藝能事務所嘅星探獨具慧眼，為廣大市民發掘出咁多優質女優獻技又獻媚，而近年水着界嘅優質大發現，就有今日為大家介紹嘅呢位清水愛里。今年21歲嘅愛里青春俏麗，面上帶點純真稚氣，雙眼雖然唔係咁有神采，但係略帶憂鬱，仍然惹人憐愛。愛里同唔少水着妹一樣，並非完全靠個樣搵食，而其極品身材則絕對可以彌補美艷不足嘅缺點。愛里生得唔高，只得5呎2吋，但就腰幼而胸大，胸前嘅35吋H-Cup美巨乳充滿彈性又堅挺，飽滿而又雪白，將所有優點集於一胸，如此極品巨乳，認真世間難求！
2009年愛里就出道成為水着妹，當時佢以平山藍里為藝名，家陣阿妹雖已改名，但亦有用舊藝名參加攝影會活動。愛里一出道就憑住其豐滿上圍而吸納到相當高嘅人氣，更被日本棒球隊東京益力多燕子隊招攬為附屬藝能組合「Swallows Wings」嘅成員。人氣上升之後，愛里成功爭取到好多幕前演出嘅機會，參演過唔少電視節目、舞台劇以及電影，當中包括電影《冬之華》、《彩愛》以及《水晶柱之戀》等。而2013年愛里就成為女子組合「PINE∞」嘅成員，主打獻唱八、九十年代嘅流行曲。之不過，阿妹就表示只可以展露歌喉，而鮮有又唱又跳，因為上圍對H奶實在負擔太重，平時要佢行快少少都覺得辛苦，某一次更加因為要跑步追巴士搞到心口痛添，故此愛里對於呢對H奶絕對係又愛又恨。
清水愛里一向都以自己對H奶自豪，所以成日都會趁身穿性感衣着嘅時候自拍，然後將相片放上博客展示一下驕人天賦，大家Click上其博客肯定可以大飽眼福。
網址：http://ameblo.jp/airiwithlove/
年齡：21歲
身高：5呎2吋
三圍：35H-23-33
撰文：賢