加大碼脫星Kelly Shibari喺BBW界（Big Beautiful Woman）極具人氣，最近勁到成為《Penthouse Forum》嘅封面女郎，裏面仲有專訪同靚相。呢本雜誌係唔同你睇開嗰本《Penthouse》，佢不定期推出，阿妹仲話今次係限量版，絕不加印，每本會有佢嘅親筆簽名，有買趁手喎！而今次負責操刀嘅係有搖滾攝影師之稱嘅Se7en，咁啱就有7頁Kelly嘅專訪內容，談及阿妹嘅成長背景、床上喜好以及其獨特裝束。該雜誌嘅執行總編輯Eric Danville大讚Kelly有魅力又有自信，表現出新時代女性應有態度，因此成為第一位加大碼脫星榮登雜誌封面女郎，每本雜誌售價連運費26.99美元，約211港元。