好多男人都天生好色，畀佢搵到個靚靚老婆或靚靚女友卻唔識得珍惜，仲要四圍搞搞震，好似竹內結子嘅前夫中村獅童就係人辦。而水着女神矢吹春奈最近就畀另一賤男，日本男演員仁科克基辜負咗喇。
日本水着界雖然有好多又年輕又貌美，兼且相當好波嘅女優，但係咁樣唔代表出道已久、年紀漸大嘅老一輩女優會被淘汰，皆因呢班女優實力非凡，長期都保持極高狀態，好似熊田曜子咁就算連女都生埋，最近拍寫真嘅時候一樣展露出一副婀娜身段，而同佢差不多同期出道嘅矢吹春奈更加艷壓群芳，比好多初出道嘅後生女優都嚟得更索更火辣。現年29歲，到12月就去到30歲嘅春奈可以話係小弟我最鍾意嘅日本水着妹之一，佢一副艷麗美貌散發出耀眼光芒，動人又迷人，實在嬌艷不可方物，一顰一笑都迷倒眾生。除咗美貌吸引，春奈嘅身材一樣誘人。5呎5吋身高，34C-23-34嘅三圍骨肉勻稱而又充滿線條美，最難得係每次拍寫真都可以擺出盡露胴體美態嘅姿勢，散發出令人睇到眼定定嘅攝人魔力！
春奈喺15歲嘅時候有日去涉谷行街街，當時佢已生得亭亭玉立，標致可人又好身材，被藝能事務所嘅星探睇中，搵佢拍寫真。兩年之後，春奈發育得更好更成熟，就被朝日電視台挑選佢同多個水着妹組成美少女團體「朝日電視Angel Eye」。之後春奈嘅發展亦相當如意，除經常獲邀出席綜藝節目，仲拍過唔少電影，包括《秘密潛入搜查官 蜂蜜與兔》、《女忍者忍法帖 影月》等。另一方面，春奈更一度被稱為「賣光女王」，因為由佢做封面嘅水着雜誌絕大部分一上市就會搶購一空，可想而知阿妹嘅吸引力有幾勁！之不過，卻係有人唔識貨，居然將沉香當爛柴。前年，女藝員多岐川華子就同男演員仁科克基宣告離婚，而春奈就經克基個妹仁科佐美嘅介紹之下認識對方，後來更加發展成情侶關係。之但係，上年年尾某個晚上，春奈利用克基配畀佢嘅門匙去到住所，點知發現佢同夜總會小姐瞓埋同一張床，搞到春奈傷心到奪門而去。其實克基已經係公認嘅大滾友，成日都會落夜總會消遣。幸好，春奈事後面對傳媒都仲可以保持冷靜，而且更加發奮工作，近期仲密密接Job，咁又係，使乜為呢啲賤男傷心，世間大把好仔，例如我。
矢吹春奈近期雖然遭遇情傷，但係工作嘅時候亦不忘玩樂以忘卻傷痛，想知道春奈近期又去邊度進行拍攝活動以及玩樂，可以Click上佢個博客。
網址：http://ameblo.jp/marikoave19841218/
年齡：29歲
身高：5呎5吋
三圍：34C-23-34
撰文：賢