日本AV通常都會有劇情，而歐美四仔則主打官能刺激，一味死砌爛做。之不過，近年兩者嘅分別開始收窄，唔係歐美四仔有進步，而係日本方面退步晒，幸而，仲有良心AV廠為我哋炮製有劇情又有心思嘅電影版AV！
早前，日本一班AV界前輩包括有「AV帝王」之稱嘅AV監督村西亨表示，現時嘅日本AV缺乏靈魂，一味粗製濫造，只求量不求質素。的而且確，家陣好多AV作品拍得畫面唯美，但係內容欠奉，男女優只係瘋狂交戰。之不過，我哋又唔可以一竹竿打一船人，現今AV界仲有唔少有良心又有心思嘅AV廠，例如桃太郎映像就係其中之一。桃太郎一直都鍾意發揮創意，為AV界寫下歷史新一頁，最經典嘅作品，莫過於《始創真性中出》以及《三穴中出》系列。最近，桃太郎為咗慶祝開業20周年，特別拍攝兩部電影版AV，保留AV原有鹹味之餘，更加添上豐富劇情，相當精彩。
呢兩部電影分別係《女子校生中出》同埋《中出布魯斯》。《女》片由新紮美少女女優芦田知子主演，講述芦田知子夢想成為舞台明星，於是加入話劇團A24，而阿妹就同劇團總監、有易服癖兼鍾意反串扮女人嘅老牌男演員，以及其他後生俊俏嘅劇團成員接連發生關係。阿妹受訓期間同總監產生亦師亦友嘅感情，令一直愛慕總監嘅老牌男演員對阿妹心生妒忌，一有機會就向佢抽水。另一方面，知子心繫其他劇團成員，關係千絲萬縷。本作拍到好似青春熱血電影咁，盡訴少女情懷以及青少年嘅夢想，相當有誠意。
至於《中》片就講述人氣下滑、鬱鬱不得志嘅搖滾音樂人Osamu，遇上天真爛漫嘅新進音樂才女Jury，二人一拍即合，一齊追尋音樂夢想。期間Osamu為咗刺激創作靈感，除咗同Jury不斷交歡，仲特別請來其他靚女大玩3P，令Jury對佢又愛又恨，仲搞到二人嘅關係愈來愈複雜，劇情都有幾分似西片《冧歌有情人》。兩部AV作品拍得極有電影感，劇情又有起承轉合，絕非一般AV可媲美。希望桃太郎呢份誠意可以影響到其他AV廠，為AV作品再次注入靈魂啦！
撰文：賢