內地擁有童顏巨乳嘅靚女真係數都數唔晒，但想要突圍而出成為炙手可熱嘅模特兒，除咗要有外在因素，內在條件都非常重要，就好似今日要介紹嚟自長沙嘅李七喜，喺芸芸模特兒界新人中，能內外兼備嘅成功例子！
今年不夠20歲嘅李七喜，之前曾經留學，喺新加坡南洋理工讀過書，之後回國喺2013年至出道，但一出道就光芒四射，吸引不少廣告公司同埋媒體嘅注意，首要原因係七喜擁有一副天使嘅面孔同埋魔鬼嘅身材。七喜樣子清秀，畀人鄰家少女嘅感覺，而上圍數字就高達35吋，小蠻腰更只得23吋，一擺「S」形動作，就能夠讓人明白乜嘢叫做玲瓏浮凸。好似佢嘅成名作品「與愛共眠」，就係講佢喺某大星級酒店嘅客房參與試睡活動，由於七喜身材有前有後，魅力過人，加上表情豐富，照片一出街就令佢火速走紅，點擊率同轉載嘅人數更係數以十萬計，七喜因此一躍成為人氣模特兒！
但七喜明白到要保持成功，繼續喺圈內順利發展，單靠樣子身材未必一定能夠成功，所以七喜一直深思，除咗以性感形象示人外，仲要有其他吸引人嘅地方至能持久！於是七喜開始出現內地大大小小嘅綜藝節目，由於佢話晒都係留學生，所以口才尚算了得，加上反應不俗，漸漸開始被觀眾受落，同時亦開始出席商場同展館騷，除咗做騷女郎或模特兒外，有時更會擔當埋主持嘅工作。據講今個月嘅五一假，佢嘅演出就排到滿一滿，但七喜仲未滿意，近排不斷放風，話自己好想拍劇喎！七喜話由於自己唔係專科出身，所以唔介意由小角色做起，你話咁內外兼備嘅靚女，真係想唔紅都難！
出生地：湖南長沙
三圍：35-23-35
身高：160cm
簡介：李七喜真名叫做李雯，所以很多個人網站都要用番真名至搵到佢。呢個網內就有不少珍藏，而且九成都係性感寫真，保證令你驚喜不斷！
網址：www.moko.cc/weus7up
撰文：龍四海