渡海濠情：裸露身體係要你睇
海南島三亞海灘因為太多人喺嗰處裸體游水曬太陽，所以由今年2月起明令海灘範圍不准裸體，但最近長假有人發現天體愛好者着上丁字褲或拉低後面泳褲嚟繼續曬，而嚟自帝濠桑拿嘅安心就話：「咁想曬咪畀佢哋曬囉！」
令人反感
安心話：「據我所知有部分人嚟海灘裸曬，係想醫皮膚病，呢啲人咪由得佢哋曬囉！至於怕佢哋赤條條咁走嚟走去有傷風化，咪規限一個地方畀佢哋曬個夠囉！至於另有一啲純粹想展露自己身材嘅，就應該一律禁止，因為呢班只想『騷哥利』嘅朋友，佢哋喺海灘裸露身體，就係想畀人睇，如果冇人睇，佢哋就會專登做啲古怪動作出嚟，吸引你嘅注意，好多時呢啲舉動都會令人尷尬，甚至令人反感！所以要禁止佢哋喺海灘做一切裸體行為！」
變本加厲
點解安心咁了解嘅？安心話：「唔好提啦！我以前識咗個男朋友，佢就係天體狂，喺屋企幾凍都好都喜歡一絲不掛，起初去到佢屋企見到佢全身赤條條又真係幾吸引嘅，但見得多咗就開始冇晒興趣，但佢哋喺你面前裸露，就係想你睇，所以佢會做啲嘢嚟吸引你嘅注意，當你愈唔睇，佢哋嘅動作就會變得愈誇張，係要你睇吓佢哋至舒服，所以呢種人，你唔畀個地方佢裸露身體，佢哋就只會變本加厲，喺海灘做啲騷擾到其他人嘅舉動，咁就唔好啦！」
安心Profile
年齡：21歲
三圍：33-23-34
撰文：小德
攝影：阿德