有人話R呢個英文字好難同情慾世界產生聯想，最多只係諗到Racing Girl（賽車女郎）而已。其實咁講就真係大錯特錯，皆因喺情慾字海中，有唔少情色俚語、四仔名詞及經典女優都係同R有關，當中有啲更令大家眼界開添！
翻開英文字典，會發覺Rack解作貨架，其實喺情色俚語中，Rack亦解作女性嘅車頭燈，亦即係乳房。例句：She has a big rack。（她有一對巨乳）。講開Rack，健力士世界紀錄中全球最大嘅人造胸部，係嚟自美國佛羅里達州嘅裸體模特兒同脫星嘅Maxi Mounds。於1964年10月25日出生嘅佢，好早以前已用矽袋為胸部進行僭建，由於矽對身體有危險性關係，故此於2000年時將矽袋取出，並改為注射一種當時最新用於隆胸物料嘅聚丙烯溶液，而佢嘅胸圍喺注射後達到42吋M，每個乳房更重達9公斤，成為世界最巨型人造乳房！當然，呢種做法對身體仍然有一定風險。
我哋都知道安全套嘅英文係Condom，只係佢其實有一個比較通俗嘅稱呼就係Raincoat，即係雨褸咁解。安全套之所以有雨褸嘅俗稱，皆因佢不但同雨褸一樣以塑膠物料製成，用法同樣係笠住因而得名。講開Raincoat，唔知大家知唔知道點解佢又會叫做Condom呢？話說喺17世紀英國有個叫做Joseph Condom嘅醫生，有日喺烹調海鮮時見到膨脹咗嘅魚鰾，靈機一觸下將魚鰾笠喺兵器度用，發覺使用效果良好，便將佢獻畀當時嘅國王。其後人們再喺物料上進行改良，採用咗更軟同更薄嘅小羊盲腸，並以當初嘅發明者個名「Condom」命名。
美國四仔界多年嚟出現咗唔少膾炙人口嘅人氣脫星，只係講到當中最令人印象難忘嘅，卻要數喺1993年出道，並喺1994年宣布引退嘅Roxanne Blaze！呢位出生於1974年9月3日嘅美國脫星，脫星生涯相當短暫，事關佢喺1993年出道時，便憑住處女四仔作《Nothing To Hide 2: Justine》，喺AVN頒獎禮中贏得最佳脫星、最佳男女性愛場面及最佳群戰場面三個大獎，以一個出道未夠一年嘅新進脫星嚟講，呢個成績相當彪炳，因此有人以核爆式降臨四仔界嚟形容佢。不過Roxanne喺名成利就後，卻突然宣布引退轉戰B級電影市場，一直以嚟只飾演賣肉角色，發展亦大不如前。
唔知大家有冇聽過日本AV製作公司Real Works嘅名字呢？呢間創於2003年12月嘅AV片商，當年真係風光一時，尤其係佢宣布創業時，曾一口氣推出11名當時一線嘅人氣AV女優，包括Nao、紋舞蘭、小澤菜穗、櫻朱音、瀨戶由衣、杉浦美由等號稱「銀河系星級女優軍團」，聲勢不知幾咁浩大！而以開發單體女優作品及提倡真實感曳曳嘅佢，其後亦推出過超人氣女優相崎琴音同春咲和津實嘅作品。不過到咗2010年，面對AV業界競爭激烈嘅情況下，Real Works最終被另一老牌AV製作公司KMP收購。
一直以嚟有唔少報稱由藝能界轉戰AV界嘅女優，只係講到當中嘅經典，則要數出生於1969年3月8日嘅女優櫻樹露衣。早喺成為AV女優前，佢喺1987年時就以相沢美紀及一之瀨雅子之名活躍於電視圈，並拍過多部電視劇集。直到1989年再以櫻樹露衣之名拍下處女AV作《讓我成年》，然後佢又拍下另一套AV《突然、火燄》。憑住佢藝能人身份，作品相當暢銷，片酬更冠絕AV界。憑住超高人氣，櫻樹喺1991年宣布引退並再戰藝能界，演出由森山周一郎監製嘅電影《幻想之Paris》，又喺1994年演出《東雲樓 女之亂》等電影。喺1996年時，佢喺AV監製鬼沢修二力邀下短暫回歸AV界演出4套AV。
正所謂只要有夢想，凡事可成真，呢句說話用喺美國鹹網王國Reality Kings身上一啲都冇錯。呢個以成人網絡業務為核心嘅產業王國，由一班大學生喺大學宿舍籌劃並於2000年成立，翌年正式推出首個成人網站Cumfiesta。隨後Reality Kings陸續推出多個唔同主題嘅成人網站Milfhunter、Captainstabbin、8thstreetlatinas等等，冇耐就已經創立咗擁有多達24個成人網站嘅網絡王國。喺2009年時，佢更推出成人網絡電視頻道Reality Kings TV，網絡瀏覽量達到頂峰。之後喺2012年9月，被成人製作公司Manwin（2013年改名MindGeek）收購。
網址：www.rk.com
撰文：魂