AV達人：無碼大風暴 天后全相睇晒

懷疑有內鬼

日本AV界龍頭企業北都集團聲勢浩大，附屬AV廠又多，旗下嘅頂級女優更加多不勝數，單係一個吉澤明步就已經夠撐。然而，最近北都集團相當頭痛，唔係因為業績有問題，而係懷疑有內鬼。近日網絡上鬧得最熱嘅話題之一，肯定係北都集團嘅一班女優有無碼片流出，包括麻美由真、瑠川莉娜、佳山三花同春菜花等4位名堂響噹噹嘅三仔界女優。無獨有偶，所流出嘅無碼片全部都係佢哋主演嘅《3D》系列，發售嘅時候都有格仔遮住，故此有業界人士估計，可能係替北都集團做3D加工效果嘅公司有內鬼，將未打格仔嘅母碟流出市面。

花絮亦遭殃

呢幾部流出嘅無碼片已經被人燒錄成光碟，並且以20美元發售（約156港元），據聞捧場客極多，梗係啦！有天后麻美由真喎！不知有幾多AV迷想欣賞鮮鮑！另一方面，由於呢個《3D》系列歷來除咗上述４位女優主演之外，仲有唔少女優演出過，所以估計，未來仲會有其他無碼版本流出。

此外，被捲入呢場無碼風暴嘅女優仲有好多，包括有已經引退嘅天后朝香美穗、希志愛奈、水谷心音、並木優以及大橋未久，佢哋同樣有無碼片被公開，不過唔係AV作品，而係佢哋拍攝寫真期間嘅花絮片段，片長1至2分鐘，畫面可以清楚見到女優嘅鮮鮑，至於點解呢啲無碼花絮片段會流出，則暫時未知答案！

撰文：賢