宅男天地：新進性感偶像

日本人氣偶像育成遊戲《THE IDOLM@STER》自2005年喺街機推出以嚟，先後喺唔少電玩平台推出唔同嘅系列續作，2011年更推出手機版本《THE IDOLM@STER CINDERELLA GIRLS》添，至今除咗不斷添加新角色，相關模型更係長出長有，好似呢個於上個月初登場嘅本田未央，就已經急不及待推出模型。作為偶像系列一員，本田妹嘅外形真係唔講得笑，甜美嘅樣貌加上前凸後趷嘅身材，絕對有成為超級偶像嘅潛力。以一身性感造型登場嘅佢，更充分展現激凸美乳嘅魅力，迷你裙下嘅美腿同樣相當迷人。