做人絕對冇可能一步登天，需要日子磨練同浸淫，咁先可以練得一身好本領打天下。而呢段日子需要幾耐呢？好難講！可能係三五七年，甚至數十年。雖然時間長，但努力過始終會有成功嘅一日，好似水着妹志保咁，奮鬥十年終於搵到機會擔正做主角喇。
日本AV界成日都予人一種強烈矛盾感，個女優明明斯文又端莊，拍AV嘅時候卻又極盡淫穢之能事；個女優明明細細粒，爆發潮吹嘅時候又可以源源不絕咁噴出大量泉水，事後仲要精神奕奕冇脫水之象。而日本水着界當中存在嘅矛盾感一樣唔細，好似童顏巨乳代表篠崎愛咁，樣子可愛到震，十足十動漫作品嘅萌系貧乳妹，但佢胸前又有對極之震撼嘅G奶。今日為大家介紹嘅志保雖然冇愛妹咁好波，但係矛盾感絕不輸蝕。今年21歲嘅志保樣子清純和善，睇落同剛剛20歲嘅深田恭子差不多，一樣咁人見人愛，車見車載，而志保留住一頭烏溜溜嘅長長秀髮，更加強咗純潔同典雅感覺。志保個樣就清純，但就擁有一副火辣胴體，肌膚白嫩滑溜，身形又有曲線美，胸前嘅D-Cup美乳更加分量十足，而且仲係純天然產物，誘惑感又多幾分。
剛才提到志保同深田恭子個樣有幾分相似，而佢哋喺藝能界嘅發展亦係差不多，大家都係未成年就出道。2004年，志保約莫12歲嘅時候，參加咗一個叫做「Personz女孩大獎賽」嘅兒童模特兒選舉，憑住清純優雅氣質成功突圍獲獎，順利被選為模特兒。之後，志保仲跳入電視機，參演電視劇《天真可愛》。然而，因為志保冇演戲經驗，所以要一邊拍劇，一邊接受演員特訓。當時劇集嘅製作人石丸彰彥就表示，志保勤力學習又好快掌握到演戲竅門，個樣亦相當強烈，所以拍晒心口話佢未來會喺演藝界發放耀眼光芒。要成名當然唔會係一兩年嘅事啦，志保往後拍過唔少電視劇同電影，更憑住飾演超人片集《蒙面超人Foze》入面嘅女角野座間友子而人氣急升，不過呢段日子仲未做過女主角。幸好，志保多年來嘅努力冇白費，出道十年之後，今年1月終於擔正飾演寫實電影《年上之彼女》嘅女主角小山內揚羽，希望阿妹日後可以搵到更多發揮演技嘅機會啦。
年齡：21歲
身高：5呎1吋
三圍：32D-23-32
志保一得閒就會四圍旅遊兼飲飲食食，而事後仲會將拍低嘅照片放上博客同大家分享，想知道志保嘅行蹤，可以留意其博客。
網址：http://ameblo.jp/shiho-sd/
撰文：賢