模影模蹤：多田亞沙美 善與胸相隨

長身巨胸

早前外國有調查報告，天生異稟嘅巨鵰男，婚姻失敗嘅比率比正常男士為高，原因係伴侶往往難忍對方為交歡帶來嘅痛楚，故感情易生問題。事實上，除咗巨鵰，巨胸一樣會為女人帶來煩惱，多田亞沙美就曾經嘗過呢種苦喇。25歲嘅亞沙美五官標致，眼神精靈，一雙朱唇厚度十足，塊面有少少方，與首屈一指嘅原幹惠有幾分相似，一樣係一位人見人愛嘅美人兒。不過，亞沙美比起原幹惠就多咗一分冷艷同憂鬱，更添幾分神秘感同誘惑。而身材方面，兩者亦一樣咁吸引，雖然比起原幹惠，亞沙美個胸係細咗一Cup，但係其37吋F-Cup巨胸，夠大夠挺又夠圓潤，加上5呎6吋身高，絕對係少見嘅長身巨乳極品，唔會輸蝕畀原幹惠。

善心賑災

亞沙美就讀初中嘅時候，身體就開始急速發育，之不過，生得高大同上圍變大就令佢受到同學嘅嘲笑。據講阿妹上運動堂嘅時候，正因為胸大，搞到甚窄嘅運動衫被巨胸撐到再窄一截，女同學更不時大力將其運動衫向下拉，令亞沙美上圍被壓兼感侮辱。其後亞沙美一直都因巨胸而煩惱，幸好經其姊開解一番，仲勸佢到藝能事務所自薦做模特兒，以免浪費一身好材料。成為模特兒之後，亞沙美就憑住豐滿身材成名，更一度被認為係電子遊戲《街頭霸王》入面嘅女角春麗真人版，2009年參加「第2屆日本雜誌模特兒大獎」仲獲得新人獎添。近期，亞沙美更向多方面發展，除咗拍寫真同DVD，亦有擔任彈珠機代言人，仲成為動作電影《赤×粉紅色》嘅女主角。搵到食嘅亞沙美亦不忘做善事，當年日本發生311大地震之後，佢就特別喺自己嘅博客詳細講解各種捐款方法，仲表示自己已經捐款，而現時亦會繼續捐錢到慈善機構，善心同其巨胸成正比。

多田亞沙美Profile

年齡：25歲

身高：5呎6吋

三圍：37F-24-35

個人博客

多田亞沙美自踏足水着界，就認為巨胸係其魅力所在，所以喺自己嘅博客成日都會上載大晒乳溝嘅性感照，唔睇就走寶喇。

網址：http://ameblo.jp/tada-asami/

撰文：賢