自從以三國背景為創作題材嘅女版動漫《一騎當千》推出後，其大露底兼爆衫嘅香艷畫面，瞬間贏得超高人氣，其後續作更係長出長有，好似呢個最新模型張飛翼德，就係跟足OVA版作品《一騎當千 Great Guardians》當中嘅造型。雖然呢位女版張飛外形豪氣十足，但其實亦有可愛少女一面，而呢個模型就係以佢嘅少女美態作為藍本，彎腰趷籮拎住支朱古力香蕉嘅甫士，不但充滿邪念感，一對豪乳更係呼之欲出，加上渾圓美股展露無遺，名副其實係前後都相當有睇頭嘅作品。
全高：約200mm
售價：￥18,900（約HK$1,418）
發售日期：暫定7月
雖然仲未到夏季，但日本模型界已經有唔少以水着為主題嘅作品推出，好似呢個手執水泡嘅美少女小豆梓，就係嚟自日本人氣輕小說《變態王子與不笑貓》喇！呢部輕小說曾先後被漫畫化及動畫化，足見佢極具人氣，難怪相關模型令人十分期待，今次小豆梓以作品中嘅金髮美少女造型登場，更穿着性感比堅尼，一對迷人雙子峰令人心曠神怡，加埋一雙修長美腿，更係賞心悅目。大家一於喺夏天來臨之前，帶佢返屋企讓眼睛吃冰淇淋啦！
全高：約120mm
售價：￥9,504（約HK$713）
撰文：魂