日本美女天生麗質，後生嘅青春活潑，即使已經年過四十，甚至接近五十歲亦一樣可以綻放誘人艷光，好例子就有一位頂級美魔女濱田範子！
唔少日本知名女藝人雖然已屆高齡，但係一樣繼續裸露，拍《花與蛇》系列拍到出晒名嘅杉本彩為一例，而今日為大家介紹嘅濱田範子亦係其一。現年49歲嘅範子姐踏足藝能界已經有三十年，佢19歲嘅時候就被挑選成為美少女組合「Saint Four」嘅成員，同班姊妹於舞台上又跳又唱，發放青春魅力。組合解散之後，範子又同成員鈴木幸惠組成「Pink Jaguar」。二人合作兩年之後又解散，而範子就同一隊搖滾樂團組成「CHABACCO」。幾年之後，範子就開始轉型做女演員，涉足影視圈。
2001年，濱田範子宣布同一個廣告製作人結婚，二人嘅婚姻生活一直都好低調，連佢老公個名都冇公開過。結婚之後，範子嘅女人味開始湧出嚟，形象端莊、綺麗又優雅，簡直好似童話故事入面嘅貴婦一樣。之不過，端莊嘅外表其實係範子迷惑大家嘅糖衣，佢除咗拍下唔少裸露寫真集，仲喺唔少電影中行淫邪路線，更絕不害羞咁嚟個三點盡露！好似《餌食 淫亂的聖女》、《Another xxx 黑之追蹤者》等電影都有忘情床上戲，喺《團鬼六 幻想夫人》當中更加學師姐杉本彩咁大玩SM五花大綁。至於範子最誘人、最放縱嘅情色電影作品就一定係《貓之家族》喇，佢喺電影當中有多場床上戲，幕幕都同男主角砌到同拍三仔一樣咁激，過程之中不斷流露縱情色慾嘅特質，媚態盡現嘅動作同表情以及深長而搶耳嘅呻吟聲，再加上一場自摸戲，都話畀觀眾知道佢有幾享受及有幾大渴求，同其端莊嘅外表產生出極大矛盾，感覺誘人之極。
撰文：賢