當見到好多嘢講嘅女人，會想叫佢哋Quiet（安靜）；見到惡形惡相兼鍾意點男人嘅女人，則會叫佢哋做Queen（女王），只係喺情慾字海中，同女人連上關係，並以Q為首嘅詞語有好多，有啲抵死啜核，有啲令人想入非非，以下各個詞語，唔知邊個令你最有共鳴呢？
就算係翻開英文字典都未必可以查到Queef嘅意思，皆因佢係個形聲字。Queef嘅正式學名係Vaginal Flatulence，意思解作陰道氣響或陰吹。所謂陰道氣響，由於喺性愛途中空氣被擠入陰道內，導致喺完事後將陰道嘅氣體排出，同時會產生好似Queef嘅聲音，故此外國人就將呢種現象以呢個名字命名。不過大家唔使擔心，事關Queef係種正常嘅生理反應，所排出嘅氣體亦無色無味，若然有異味嘅話就要睇醫生喇！另外，懷孕婦女亦遇到Queef呢個問題時，亦要請教醫生，事關被擠壓嘅空氣可能會對胎兒造成影響。
速戰速決嘅快閃式性愛過癮之處，在於可以喺極短嘅時間內，享受到激情嘅快感，而呢種極速嘅曳曳，英文叫做Quickie。Quickie嘅玩法除咗短兵相接嘅真箇銷魂外，仲包括口部服務、手作仔等嘅玩法。雖然有性學專家表示，對女性嚟講好難喺短時間內進入作戰狀態，從而享受快閃式性愛嘅樂趣，但性學作家Kate Stevens卻表示有辦法可以令男女同享快閃樂趣，並將佢嘅心得著成快閃式性愛指南《The Joy of the Quickie: More Than 150 Ways to Do It Now !》。Kate透過圖文並茂嘅演繹，為大家提供多達150種建議，好讓男女得嘗速戰速決嘅快感。
多年嚟美國四仔界出品咗唔少經典作品，而作為四仔界專業評審機構嘅AVN，喺眾多作品中選出五百部必睇之作，呢套由四仔片商Heatwave Classics喺1993年推出嘅《Quantum Deep》就係其中之一。除咗火辣辣嘅肉搏場面外，佢更以四仔中罕見嘅科幻題材作為主題，拍攝亦唔比商業電影遜色。故事講述男主角Peter North發明咗部時光機回到1977年，佢老婆趁住老公離開就同老公個助手Leanna Foxxx搭上。回到過去嘅男主角發生種種風流事後，諗住返回1993年卻意外去咗2020年並遇上孤獨嘅自己，又得悉老婆同人走咗佬，於是佢決定返去所屬年代努力挽救夫妻感情。
美國四仔嘅市場咁大，唔單止吸引美國索女入行，亦吸引各國索女去到搵食，而嚟自德國嘅Queeny Love就係其中之一。於1979年11月8日出生嘅Queeny入行過程相當戲劇性，事關佢喺2001年時以自拍性愛錄像，並主動賣畀美國嘅四仔片商。當年嘅片商眼見Queeny外形迷人，又擁有34E車頭燈便決定簽佢拍攝四仔，從此阿妹便定居洛杉磯正式開展脫星事業。從2001年出道至2008年引退七年間，Queeny執導超過10套四仔，而參演嘅四仔更超過200套。Queeny除咗以一對巨乳作為賣點外，更活躍於成人博覽會，演出範圍除咗美國外，更經常到歐洲、澳洲等地演出，將佢嘅人氣推至海外。
唔少人以為女王調教系列係美國四仔嘅專利，其實日本嘅AV界亦有推出呢類作品，當中以Mazo Boys Club Platinum（簡稱MBC）所推出嘅「Queen調教」系列最為著名。有別於美國重口味嘅調教四仔，MBC所推出嘅系列以美艷及美感而著稱，身穿性感皮衣加上皮鞭係呢個系列封面嘅特點，而故事結構主要為講述由女優扮演嘅女王，點樣用盡方法嚟令男士高潮迭起。曾參演過呢個系列嘅人氣AV女優有好多，當中包括近年紅到發紫嘅波多野結衣、雨宮琴音、水沢真樹等，足見呢類題材嘅市場相當大。
男人每次聽到E、F、G等嘅英文字母都會好雀躍，皆因男人好易將佢哋聯想到索女嘅胸圍上。不過講到多年嚟日本AV界嘅巨乳女優，則唔可以唔提當年以Q-Cup巨乳而令AV迷興奮不已嘅森川麻里子。生於1971年2月10日嘅麻里子，早喺1994年便已經出道，當年佢憑住38Q嘅巨乳而令一眾AV迷神魂顛倒。其後拍攝眾多AV作品後，喺2001年宣布引退，轉到成人寫真界發展，更以AV界最巨乳女優之名拍過多部半裸寫真，並曾成為美國成人雜誌嘅封面女郎。麻里子穩坐AV界巨乳女王嘅寶座，直到2009年先至被另一位車頭燈比佢更巨、更後生嘅女優所取代，佢就係Hitomi嘞！
撰文：魂