繪畫係一門藝術，亦可以係一種表演，有人用畫筆畫畫，亦有人用身體部位繪畫，美國就有一個男畫家用陰莖繪畫，而最近更有一位瑞士女藝術家於眾目睽睽之下利用陰部完成畫作。早前，德國科隆舉行一年一度嘅科隆藝術博覽會，當日有來自世界各地嘅藝術家到場表演，而其中一個叫Milo Moire嘅瑞士女藝術家就喺展覽場館嘅露天位置表演，一開始Milo Moire就剝光豬企上高架，然後作出驚人之舉，就係將注滿顏料嘅生雞蛋放入下陰，跟住由隻蛋跌落預先鋪於地上嘅畫紙，如是者，Milo Moire來來回回弄咗近10隻蛋，咁就完成咗呢副名為「PlopEgg」嘅畫作。據女藝術家表示，呢幅畫象徵「隨意的力量」以及「母性的創造力」！如果大家想睇吓呢位女藝術家嘅表演，可以Click上www.youtube.com/watch?v=wKFZOIv5sS0。